二趾長過公,真係唔使一世窮﹖

作者:足科矯形師鄭嘉萍

我哋有機會到一些健康展覽或社區中心進行足部檢查時,都會遇到有些情況有人只係脫下鞋襪及做完足底壓力測試後,便反問我,「你話我隻腳有咩痛症?有咩問題﹖」當下一刻我即時覺得自己好似相士上身,只看佢個樣 (係對腳個樣﹗) 便能知道佢有咩問題。

二趾長過拇趾,正是其中一個先天性的腳形。你唔可以話佢唔啱,但佢嘅出現,就好多機會令你嘅拇趾外翻,以及前掌痛的機會增加。

 ( fig.1)

( fig.2)

一個正常嘅腳,五支蹠骨的長度會有一個比例,形成一個正常的拋物線( fig.1),令足部在推進時,力線能由腳外側順利轉移到最大的拇趾作最有力的推進。若果第一蹠骨的長度過短,或第二蹠骨的長度過長 ( fig.2),令它們之間的距離大於8mm時 ( fig.3),便有機會令拋物線不再順暢,步行時會出現力學上的問題。

( fig.3)

第一,第二蹠骨頭會過份受壓,腳底會有有厚繭形成,前掌出現疼痛。

第二,拇趾過短會令足部在負重時向內傾側,令拇趾出現外翻及外旋。

第三,第二蹠骨頭太受壓力,有機會形成壓力性骨折 ( stress fracture) ( fig.4)。

( fig.4)

可惜嘅喺,短咗嘅腳趾係唔可以拉返長。從力學去解決問題,其中一個方法是利用處方矯形鞋墊,在第一蹠骨底加墊 ( morton’s toe extention) (fig 5),令推進時第一及二蹠骨頭能同時著地,以減低第二蹠骨頭的受力。同時亦可以選擇穿著船底鞋(fig 6),步行時避免蹠趾關節彎曲,從而減低前掌痛。

(fig 5)

(fig 6)